Wedding Planner (KLATE VERSION)

[bismillahirrahmanirrahim]

lamo sungguh la weh ambo x menaip kat ruwengey blog nih...

xdop mendo ekpong nok bekecek...

tapi sejok cuti skoloh nih..

ambo banyok g bekwoh saim2 lebih kure sebayo ambo...

aso nok catit sumtim berdasarkan pemerhatiye ambo...

NO NEED

• tidak perlu make up tebal-tebal..nati payoh nk smaye antaro waktu bekwoh
• tidak perlu tempat ngatur (klu bhs KL nye "tempat bersanding") yg grand2...balut krusi dgn kain pastu tepek  bungo kertas pon napok comey doh...
• tidak perlu udang / pishbol / sotong kurita hop cucuk kt buah nenas...hidey atas pinggey pon pade doh..asa raso sdak pastu masuk perut kenye...
• tidak perlu baju hop ketat, n banyok hiasey kaloh pokok krismah...pade tepoh baju kurung/juboh hop bleh jugop di paka di hari biaso..yg penting aurat ditutup dgn rapi..
• tidak perlu hiasey berat2 atah palo...pade pakai shawl halfmoon hop ado manik2 cket pon cute doh..
• tidak perlu posing maut/hot/over/18 xx semaso ore dop amik gmbr...pade la senyum2 kambing pastu wat gayo giyomi cket...lalala

NEED

• perlu beli bare nok letok atah par (klu bhs KL nye "hantaran") cket demi cket...jd perlu mulo sedio pitis doh dari lonih...wlaupun 10 tahun lg bru nk nikoh..
• perlu ajok tok/mek/wo/chek/toknye/tok ayoh/tok we/tokki make bersamo pengantin...baru lah namo nyo yg tuo dihormati yg mudo dikasihi..ehem2
• perlu standby bilik utk tetamu smaye...beso dio doh la tetamu maghi jauh2 blako pahtu ado anok kecik..seney la nk tuka2 pampers anok klu ado bilik gak...
• perlu ado alunan qasidah...ya hanana sepukol kemah doh...baru aso sejukkk n teney jah majlis...
• perlu ado pembahagiye antaro sep puwe nga sep laki...baru seney sep puwe nok make...ni gak kno cover2 klu nk ratoh tuley aye...
• perlu buat sesi hi-tea klu alah ko pete...mugo kebiasoannyo alah ko pete, ore rama x laye doh nasik nga gulai2 nih...

ni jah la catitan hok ambo sempat taip dale ruwengey blog...

kalu perkaro basic hop laen, mace warno tema baju family, jenis kemoh, katering mano hop sdak, brapo hargo aye sekilo, nk bli cincin ko gelang, duit mas kawen tu pakak bleh pk n ejah sdiri..

jadi adik kakok sekaliye...

semaso nk plan majlis tidok kirolah majlis nikoh ko majlis cukur jambul ko majlis cukur janggut ko,

hop petim kito kno letok aspek keberkatan majlis sebagai asas utamo...

jadi nok buat gapo2 pon bia lah bleh memberi pahalo dan ikut sunnah nabi... 

jangela berlebih-lebihan...mugo majlis ni sari jah...

hop lebih pnting ialah alam rumahtanggo yg perlu dilayari lepah pado tu....

allahhuma solli ala sayyidina muhammad

ni la org pertamo dlm batch ambo hop nikoh...mabruk ya mirah..barakallahuma